Lulli-Norgga válgabiire

NSR áigu Lulli-Norgga válgabires bargat:

Ahte buohkat dovdet gullevašvuođa sámi girjáivuhtii, beroškeahttá identitehtas, giellamáhtus ja kultuvrralaš vuolggasajis.
Ahte ásahuvvojit eanet ovttasbargošiehtadusat Sámedikki ja suohkaniid/fylkkasuohkaniid gaskkas Lulli-Norggas – nu mo Bergen ja Bærum, Innlandet ja Viken. Ja ahte dálá ovttasbargošiehtadus gaskkal Sámedikki ja Oslo suohkan ovdánahttojuvvo.
Ahte ásahuvvojit ođđa sámi deaivvadanbáikkit ja kulturgaskkustanbáikkit eanet báikkiide Lulli-Norggas, ja ahte dálá sámi ásahusat ja deaivvadanbáikkit nannejuvvojit, no mo Sámi viessu Oslos.
Ahte duodjebagadalli ásahuvvo Lulli-Norggas, mii sáhttá fállat bagadeami ja duodjegelbbolašvuođa duodjekurssaid bokte.
Ahte ásahuvvojit sámi mánáidgárdefálaldagat eanet suohkaniidda Lulli-Norgga válgabires, nu mo Bergenii, Bærumii ja Stavangerii. Buot sámi mánáide Lulli-Norggas galgá sámi mánáidgárdedáhkádus!
Ahte ásahuvvo sámi skuvla Osloi mii lea resursa- ja profiilaskuvla olles Lulli-Norgii, ja mii šaddá guovddášsadji sámi mánáide ja nuoraide – ovdamearkka dihtii kultuvra- ja leairaskuvlafálaldagaid bokte.
Ahte buohkaide galgá vejolaš oahppat sámegiela Lulli-Norggas! Mii háliidit eanet kurssaid easkkaálgiide, ja ahte fállojuvvojit eanet digitála ja čoahkkananvuđot oahppofálaldagat sihke lulli- julev- ja davvisámegillii universitehta- ja allaskuvlla dásis.
Ahte čađahuvvo oahpaheaddjelokten mánáidgárde- ja skuvladásis vai oahpahuvvojit ja háhkkojuvvojit eanet sámegielhálli oahpaheaddjit ja mánáidgárdepedagogat Lulli-Norggas!
Árvodáhkádusa sámi boarrásiidda! Boarrásat galget váldojuvvot vuostá sámi giella- ja kulturfálaldagaiguin vaikko gos orrot. Dearvvašvuođabargiide ferte fállojuvvot heivehuvvon sámegiel- ja kulturoahpahus.
Buot sámiin lea vuoigatvuohta dásseárvosaš dearvvašvuođabálvalusaide! Ovdamearkka dihtii sámi dearvvašvuođajoavkku bokte Lulli-Norggas, ja sámi dulkon dearvvašvuođa- ja fuolahussuorggis.
Nannet fálaldagaid sámi nuoraide ja studeanttaide Lulli-Norggas, earret eará lasi doarjagiid bokte sámi nuoraid- ja studeantaserviide.
Ásahit sámi báhppa/diakonavirggi Lulli-Norggas.

Govven: Tiril Guttorm

Sáhttá jienastit Čakčamánu 13. beaivvi

Arendal
Asker
Bergen
Bærum
Drammen
Fredrikstad
Eidsvoll
Halden
Kristiansand
Lørenskog
Lillestrøm
Moss
Nordre Follo
Oslo
Sandefjord
Sandnes
Sarpsborg
Skien
Stavangen
Tønsberg
Ullensaker

Ferte ovddalgihtii jieanastit

Buohkat earát.
Sii geat eai leat ruovttugielddas válgabeaivvi.