Giitu áŋgiruššama ovddas!
Válgamearrádus lea váldon. Dál ii leat go giitit áŋgiruššama ovddas ja čohkkedit vuorddašit válgabohtosa.
Les mer
Válga 2013
Fina NSR válgadoaluin
Odne eahkedis mearriduvvo. Háliidat go čuovvut sihke stuorradigge- ja sámediggeválggaid ovttas earáiguin? Vuolgge NSR rabas válgadoaluin fitnat.Les mer
Heahtenummaris galgá sáhttit sámástit
– Jo, de lea dehálaš ahte Sámediggi bargá dearvvašvuođaáššiiguin, dadjá Aili Keskitalo guhte lea Norgga Sámiid Riikasearvvi (NSR) presideantaevttohas Sámediggeválgii. – Jus oktage du birrasis buohcá ja don fertet riŋget heahtenummarii, berre dus leat vejolašvuohta oažžut vástádusa sámegillii. Dá leat áššit mainna Sámediggi ferte bargat, dadjá Keskitalo.Les mer
Bovde bellodagaid searvat oktasaš cealkámuššii
Ruoŧa Sámediggi lea nagodan buktit oktasaš cealkámuša mineráladoaimmaid vuostá Sámis. Dáhpáhusat Gállogis leat suorggahan sihke Ruoŧa ja Norgga bealde, ja dasto Aili Keskitalo lea dál bovden daid eará bellodagaid hábmet oktasaš cealkámuša maiddái Norgga Sámedikkis.
Válgajearahallan: Sámi deaivvadanbáikkit addet ollu
Jearahallanráiddus NSR njunoševttohasain lea dál Piera Heaika Muotka (21), 3. evttohas Gáiseguovllu válgabiire vuorru. Su sáhttá gohčodit sihke mearrasápmelažžan, márkosápmelažžan dahje gávpotsápmelažžan.
– Mus leat ruohttasat máŋgga báikkis Sámis, ja mun jáhkán dat addá munnje buori vuolggasaji bargat olles Sámi servodaga ovddas, dadjá Piera Heaika Muotka guhte lea Unjárggas eret ja lea bajásšaddan sihke doppe ja Skániin. Dál son ássá Romssas.
– Mis, geat ássat báikkiin gos sápmelaččat eai leat eanetlogus, lea dárbu báikkiide gos mii deaivvadat eará sápmelaččaiguin, sáhttit sámástit ja hukset oktavuođaid. – Lean vásihan dákkár arenaid hui positiivvalažžan, dadjá Piera Heaika.
Piera Heaika lea nuorra evttohas, muhto sus lea jo ollu bargovásáhusat sámi sosiála arenain. Son lea bargan Nuoraid Siiddas Skániin ja lei searvvis álggahit nuoraidorganisašuvnna Noereh!. Dasa lassin lea son Márkomeanu festivála bargoveagas ja NSR nuoraidlávdegotti jođiheaddji.
Bissovaš deaivvadanbáikkit
Earret festiválaid ja servviid deattuha Piera Heaika bissovaš deaivvadanbáikkiid dehálaš vuoruheapmin.
– Dehálaš oassi barggus Sámedikkis šaddá sihkkarastit bissovaš sámi deaivvadanbáikkiid Gáiseguovllu válgabiirii. Sámi viessu Romssas ferte ceggejuvvot boahtte njeallje jagi áigodagas. Seammás áiggun mun dahkat dan maid mun sáhtán sihkkarastin dihte ahte báikkálaš álgagat ásahit deaivvadanbáikkiid buot mearrasámi gilážii ožžot dan doarjaga Sámedikkis man sii dárbbašit, lohpida Muotka.
Dál lea vejolaš ovddalgihtii jienastit
Otná rájes, borgemánu 12. b., lea vejolaš jienastit. Sámediggeválggaide dát lea erenomáš dehálaš, go leat máŋga gieldda gos FERTE jienastit ovddalgihtii.