Guovdageainnu sámiid searvi doalla jahkečoahkkima ja 50-jagi ávvudoaluid
Guovdageainnu sámiid searvi bovde miellahtuid, gussiid ja álbmoga ávvudit min searvvi go lea 50 jagi áigi dan rájes go mii leat vuođđuduvvon. Mii ávvudit iežamet lávvordaga 01.02.2014.
GSS doallá jahkečoahkkima guovvamánu 1. b. 2014 dii. 1500 Alfred Kroas. Jahkečoahkkima maŋŋil lea ávvudan áigi.
Guovdageainnu sámiid searvi (GSS) vuođđuduvvui 01.12.1963 ja GSS lea mearridan doallat 50-jagi ávvudeami Guovdageainnus guovvamánu 1. b. 2014. Mii háliidit ávvudit iežamet muitašemiin, guoimmuhemiin ja buori musihkain.
GSS ávvudoalut álget lávvordaga 1. beaivve dii. 1730 ČSV-republihkka čájáhusain gosa mii háliidit bovdet olles Guovdageainnu álbmoga geahččat ovttas miiguin. Dieinna guoimmuhanbihtáin mii lea sihke suohtas ja duođalaš áigut hástalit eanet olbmuid ja earenomážit nuoraid álgit ain eanet beroštit servodatovdánáhttimis, sámi iešárvvu loktemis ja obbalaččat politihkkalaš eallimis.
Dasto mánnjel mii joatkkit ávvudoaluiguin gosa buohkat leat bures boahtimat dieđiheame bokte. Mii guossohit mállásiid ja guoimmuheamiii dii. 1900 rájes. Dakkár ávvudeapmái gullá maid muittašeapmi ja mii leat bovden vuođđudeaddjiid searvat geat muitašit GSS ovdálaš áiggi ja searvvi mearkašumi Guovdageainnu álbmogii. Min nuorra olbmot guoimmuhit lávlumiin ja juoigamin nu ahte mii maiddái beassat buori musihka návddašit go borrat buori biepmu.
Dieđihanáigemearri searvat ávvudoaluide lea ođđajagimánu 24. b. Jus hálidat ávvudit miiguin, sáddes dieđu e-boastta bokte gss50jagi@gmail.com:ii.
Máksin lea 200 ru. miellahtuide ja 300 ru. earáide. (Lea vejolaš čálihit iežas miellahttun iige dárbbaš máksit lasi, miellahtudivat lea 100 ru. 2014 ovddas.)
Mii sávvat buohkaide geain lea beroštupmi searvat min stuora ávvudoaluide bures boahtima.
