Lulli-Norgga válgabiire

Evttohasat Lulli-Norgga válgabiirres:

1.

Tor Gunnar Nystad (1967) lea rievtti mielde Kárášjogas eret, muhto orru Oslos ja bargá birasterapevtan gárrenmirkkodikšoovttadagas Oslo Universitehta buohcciviesus. Sus lea maiddá fágaduogáš servodatdieđalaš oahpus UiT Norgga árktalaš universitehtas.

 

2.

Aili Guttorm (1991) lea studeren industriála hábmema (inšenevra) ja lea geigen bachelorčállosa mašiidnainšenevrafágas. Son bargá maiddá allaskuvlagirje- rádjosis ja dárjun. Aili orru Mossas, ja su váhnenguovttis leaba Deanus ja Kárášjogas eret.

 

3.

Piera Heaika Muotka (1992) orru Oslos gos studere grafihkalaš hábmema Westerdals Oslo ACT:s. Son bargá maiddá nuoraidčállin NSR:s. Son lea bajásšaddan Unjárggas Finn- márkkus ja Skániin Romssa fylkkas.

 


4. Mona Tornensis Hornæs
(1972) – Bergen
5. Jon Isak Lyngman Gælok (1987) – Bergen
6. Laila Coldevin (1967) – Sørum
7. Leif Arnold Halonen (1944) – Sandnes
8. Aili Kalvemo (1981) – Oslo
9. Gisle Stenersen (1967) – Asker
10. Irene Kvitfjell (1962) – Lillehammer
11. Lars-Jonas Kvistad Westerfjell (1985) – Eidsvoll
12. Kirsti Guvsám (1979) – Kristiansund

Ráhkis sámediggejienasteaddji Lulli-Norgga válgabiirres

Mii sávvat don áiggut geavahit iežat jienastanvuoigatvuođa ja jienastit Norgga Sámiid Riikkasearvvi (NSR) čakčamánu 11. b.

Mii dárbbašat aktiivvalaš ja searvválaš Sámedikki mii guoddá noađi ja bargá sápme- laččaid ovddas miehtá riikka, ja sámi báikegottiid ja ovttaskas olbmuid ovddas geat háliidit geavahit iežaset giela, ja doaimmahit iežaset kultuvrra ja iežaset
ealáhusa.

NSR Lulli-Norgga válgabiirres áigu earret eará áŋgiruššat sihkkarastin dihte sámi giellaoahpahusa buot sápmelaččaide Lulli-Norggas, sihke vuođđoskuvllas, joatkka- skuvllas, allaskuvllas ja rávisolbmooahpahusas. Mii áigut maiddá áŋgiruššat vai dearvvašvuođa- ja fuolahusbálvalusat heivehuvvojit sámi geavaheddjiide. Mii háliidat maiddá nannet sámi deaivvadanbáikkiid mat jo leat ásahuvvon, ja dagahit ahte ođđa ásahuvvojit.

NSR ovddasteaddjit Lulli-Norggas áigot bargat dáid áššiid ovdii

  • Nannet ja ovdánahttit sámi deaivvadanbáikkiid miehtá Lulli-Norgga válgabiire, earret eará Bergenii, Stavangerii, Mjøsa-guvlui ja Møre ja Romsdalii. Ovdamearkka dihte dan bokte ahte virgáduvvo prošeakta- ja giellakoordináhtor olles Lulli-Norgii.
  • Sihkkarastit Oslo Sámi Viesu doaimma, dan bokte ahte Sámi Viessu oažžu stáhtusin leat giella-, kultuvra- ja diehtojuohkinguovddážin, mas lea ovddasvástádus davvi-, julev- ja lullisámegillii.
  • Ásahit sámegiellaáittardeaddji geas earret eará lea ovddasvástádus juohkit dieđuid vuoigatvuođaid birra sámegieloahpahusa birra skuvllas, ja fuolahit ahte skuvllat duođas addet sámegielfálaldaga man sii leat geatnegahtton addit oahpahuslága bokte.
  • Ahte ásahuvvo sámi skuvla Osloi, mii galgá leat resursan sámegielohppiide miehtá Lulli-Norgga válgabiire.
  • Ahte ásahuvvojit eanet sámegielat mánáidgárdefálaldagat suohkaniidda Lulli-Norgga válgabiirres.
  • Ahte fállojuvvo alit oahppu davvi-, julev- ja lullisámegillii Oslos, ovttas Sámi Allaskuvllain, Davvi universitehtain ja UiT – Norgga árktalaš universitehtain.
  • Sámi kultuvra- ja giellagelbbolašvuohta dearvvašvuođa- ja sosiálasuorgái. Ovdamearkka dihte dan bokte ahte fállojuvvo buorre ja fágalaččat dohkálaš sámegielat dulkonbálvalus buohcciviesuin ja suohkaniin.
  • Sihkkarastit ahte sámi dearvvašvuođadeaivvadeamit vuorrasiidda Oslos šaddet bistevaš doaibman, ja bargat dan ovdii vai fálaldat viiddiduvvo eará guovlluide Lulli-Norgga válgabiirres.
  • Sihkkarastit buori bálvalusfálaldaga sápmelaččaide Lulli-Norggas geatnegahtti ovttasbarggu bokte mii lea Sámedikkii ja suohkaniid ja fylkkasuohkaniid gaskkas, ovdamearkka dihte Bergen ja Bærum suohkaniin ja Akershus fylkkasuohkaniin.
  • Ahte ovttasbargošiehtadus gaskal Sámedikki ja Oslo suohkana čuovvolahttojuvvo ja ovdánahttojuvvo, sihkkarastin dihte buori bálvalusfálaldaga oahpahusas, dearvvašvuođas, gielas ja kultuvrras.
  • Ollislaš rávisolbmooahpahusfálaldaga sámegielain, kultuvrras ja duojis buohkaide, beroškeahttá gos mii ássat.
  • Ahte virgáduvvo duodjebagadalli Lulli-Norgga válgabiirii.

 

Aili Guttrom, Piera Heaika Muotka ja Tor Gunnar Nystad. Buot govat: Marie Louise Somby