Ealáhusat

Vuođđoealáhusat leat dehálaččat ássamii ja ealáhusvuđđui sámi guovlluide. Dilálašvuođat fertejit leat láhččojuvvon nu ahte sámi vuođđoealáhusat sihkkarastojuvvojit ja ovdánahttojuvvojit.

Foto: Inga Sámi Siida

Foto: Inga Sámi Siida

Ealáhusat sámi guovlluin fertejit leat ceavzilat. Ođasmahtti ja eahpe-ođasmahtti resurssat luonddus Sámis dagahit ávnnaslaš vuođu sámi kultuvrii. Guolásteapmi, boazodoallu, eanandoallu, duodji, meahcástallandoaimmat ja dát lotnolassii ovddastit ealáhusaid mat maid leat nana sámi kulturguoddit.

Sámi ássan lea háddjejuvvon, ja leat sámi gilit rittus ja siseatnamis, mat árbevirolaččat dagahit sámi servodat-, kultuvra- ja ealáhuseallima sisguovddáža. Sámi báikegottit galget leat sámi árvvuid ja eallima váimmus.

Ealáhusovdánahttin, ođđahutkan ja fitnodatálgin bisuha ássama sámi giliin. Sámi báikegottit ovttas Sámedikkiin sáhttet láhčit ovdánahttimii báikkálašservodagaid eavttuiguin.