#NSRmaid – Muital midjiide iežat vásáhusaid birra

NSR galgá leat oadjebas organisašuvdna. Danne bivdit mii dál du juogadit iežat vásáhusaid minguin, nu ahte mii oččošeimmet eambbo máhtu das mii dáhpáhuvvá min iežamet organisašuvnnas.

NSR galgá leat oadjebas organisašuvdna, gos ii leat seksuálalaš veahkaválddálašvuohta, loavkašuhttin ja trakasseren. Riikkastivra lea ásahan lávdegotti #NSRmaid bargat dáinna. Lávdegotti áigumuš lea almmustahttit eahpekultuvrra organisašuvnnas, mihttuin bidjat doaibmabijuid johtui dagahan dihte organisašuvnna oadjebassan miellahtuide, luohttevašolbmuide ja bargiide. Guovddáš oassi dán barggus lea gávnnahit makkár arenat leat erenoamáš hearkkit. Mii galgat maid ođasmahttit NSR ehtalaš njuolggadusaid ja njuolggadusaid mo galgá gieđahallat seksuálalaš veahkaválddálašvuođa ja loavkašuhttimiid.

Vai oažžut oppalaš geahčastaga das mo organisašuvnnas lea dilli lea áibbas dárbbašlaš ahte NSR oažžu veahki miellahtuin ja earáin. Jus don leat vásihan unohas dáhpáhusaid NSR:s, de háliidat mii diehtit dan birra.

Skovvi masa rapportere vásáhusaid
Dehálaš oassi kártemis lea ahte galgá leat vejolaš rapporteret vásáhusaid áibbas anonyman, dan sáhttá dahkat dan bokte ahte vástida skovvái mii lea olgguldas liŋkkas, almma čállit namas ja oktavuođadieđuid dasa. Dieđut mat bohtet galget vuosttažettiin geavahuvvot vuođđun dahkat analiissaid ja ovdánahttit ulbmillaš doaibmabijuid.

Jus bohtet dieđiheamit duođalaš dáhpáhusain de dáhttu NSR čuovvolahttit daid, muhto dalle mii dárbbašit namaid ja oktavuođadieđuid. Jus dus lea konkrehta ášši man háliidat galggašii čuovvolahttot erenoamážit de bivdit mii du merket dan skovvái, dahje váldit njuolga oktavuođa jođiheddjiiguin.

Skovvi masa rapportere vásáhusaid.

Dieđihit dáhpáhusaid birra
Sáhttá váldit njuolga oktavuođa jođihangoddái jus leat konkrehta dieđiheamit.

Čállingottejođiheaddjis Thomas Myrnes Nygårdas lea formálalaččat ovddasvástádus čuovvolahttit dieđihemiid seksuálalaš veahkaválddálašvuođa ja loavkašuhttimiid oktavuođas NSR:s. Suinna sáhttá váldit oktavuođa telefovnna bokte, nr 988 50 273, dahje e-poastta bokte nsr@nsr.no

Jođiheaddjis Beaska Niillasis lea bajimuš ovddasvástádus juohke áššái mii geavvá organisašuvnnas. Suinna sáhttá váldit oktavuođa telefovnna bokte, nr 918 56 318, dahje e-poastta bokte beaska@nsr.no

Organisatuvrralaš nubbijođiheaddji Beatrice Fløystad jođiha siskkáldas barggu #NSRmaid:in. Suinna sáhttá váldit oktavuođa telefovnna bokte, nr +46 070 544 8940, dahje e-poastta bokte beatrice@nsr.no

Eará luohttevašolbmot maid sáhttet oažžut dieđihemiid ja sii dovdet NSR njuolggadusaid mo galgá gieđahallat seksuálalaš veahkaválddálašvuođa ja loavkašuhttima (liŋka).

Duogáš
#NSRmaid lea oassi guhkesáiggi doaimmas mii galgá dagahit NSR oadjebas organisašuvdnan, dát bargu álggahuvvui Álttás riikkačoahkkimis golggotmánus 2016:s. NSR lea 2011:s mearridan njuolggadusaid mo galgá gieđahallat seksuálalaš veahkaválddálašvuođa ja loavkašuhttimiid. Riikačoahkkimis 2016:s mearriduvvui ahte galgá ođasmahttit dáid njuolggadusaid, ja dát kárten lea oassi barggus hábmet vuođu dasa masa njuolggadusat galget guoskat.

Maid háliida NSR kártet?
Háliidat oažžut diehtit buot dáhpáhusaid goas leamaš sávakeahtes seksuálalaš fuomášupmi. Sáhttet leat fysalaš dahje njálmmálaš lahkoneamit, dahje eará dáhpáhusat mat eai lean heivvolaččat. Sihkkarastin dihte oadjebas arenaid organisašuvnnas lea maiddá beroštupmi diehtit gos ja makkár oktavuođain sávakeahtes dilálašvuođat vejolaččat dáhpáhuvvet.

Maid dahká NSR daid dieđuiguin mat bohtet?
Jus leat dakkár dieđut mat gáibidit konkrehta čuovvoleami de váldojuvvo oktavuohta suinna guhte lea sádden dieđuid ja addán oktavuođadieđuid, ja jus ášši čuovvolahttojuvvo viidásat de dat dáhpáhuvvá ovttas suinna guhte buvttii dieđuid. Dieđut muđui anonymiserejuvvojit ja biddjojit vuođđun dahkat analiissa dilálašvuođain NSR:s, ulbmilin hábmet doaibmabijuid mat galget dagahit vel ain oadjebasat organisašuvnna.

Gean olámuttos leat vástádusat skoviin?

#NSRmaid-lávdegoddi lohká skovi. Lávdegottis lea NSR organisatuvrralaš nubbijođiheaddji Beatrice Fløystad, riikkastivrralahttu Astrid Dankertsen, NSR parlamentáralaš jođiheaddji Sámedikkis Runar Myrnes Balto ja Kirsti Guvsám, guhte leamaš NSR parlamentáralaš jođiheaddji Sámedikkis. Muđui leat dieđut olámuttos jođiheaddjái Beaska Niillasii ja čállingoddejođiheaddjái Thomas Myrnes Nygårdii.

Jus dus lea dárbu hupmat ovttainge, de sáhtát maiddái váldit oktavuođa čuovvovaččaiguin:

• DIXI Ressurssenter for voldtatte (DIXI Veagalváldojuvvon olbmuid resursaguovddáš):
  telefovdna 22 44 40 50
• Kirkelig Ressurssenter mot vold og seksuelle overgrep (Girkolaš resursaguovddáš veahkaválddálašvuođa ja seksuálalaš illasteami vuostá):
  telefovdna 23 22 79 30
• Reform – ressurssenter for menn (Reform – dievdduid resursaguovddáš):
  Dievdotelefovdna 22 34 09 60 (árgabeivviid 17 – 20)
• Seksuelle overgrep – Landsdekkende telefon for incest- og seksuelt misbrukte, og deres pårørende (Seksuálalaš illasteamit – Riikaviidosaš telefovdna inceasta- ja seksuálalaš gillájeddjiid váste, ja sin oapmehaččaide):
  telefovdna 800 57 000
• Kirkens SOS:
  telefovdna 22 40 00 40 (birrajándora)
• Sáhtát maiddái čállit SOS-dieđu www.kirkens-sos.no bokte.

Skovvi masa rapportere vásáhusaid.