Noerh politihkem jarkelieh
– Noerh eah saemiepolitihkem pryöjjedh. Dam gaajhkesh dovnesh govleme. Men dah mah dam jiehtieh eah dagke tjåanghkojne orreme NSR:sne, jeahta Cecilie-Kristiin Øien Thomsen mij lea åvtehke NSR:n Noeremoenehtsisnie.
– Dan åvteste daesnie libie joekoen gellie noerh, jïh mov mïelen mietie dle mijjieh aaj politihkem tsevtsieh, jeahta Cecilie-Kristiin Øien Thomsen.
Dejstie 1134 maeksije lïhtsegijstie jaepien 2016 dellie 173 (15 %) lin noerelïhtsegh (nuelesne 26). – Dan åvteste badth NSR-N dihte stööremes saemien noeresiebrie nöörjen bielesne. NSR:n læstojne aaj gellie noerh. Dejstie golme bijjemes kandidaatijste NSR:n læstojne dle ojhte akte gåalmahtasse 30 jaepieh jallh nuerebe, Øien Thomsen jeahta.
Evtiedimmesne meatan fulkedh
Aili Guttorm (25) Mosseste lea akte dejstie noerekandi- daatijste. Dïhte lea mubpiekandidaate saemiedigkie- veeljemasse NSR:se Åarjel-Nöörjen veeljemegievlesne. Dïhte 25 jaepien båeries nyjsenæjja lea noerelïhtsegi nie NSR:sne orreme gellie jaepieh, jïh joe jïjnjem daajroem saemien noerepolitihken bïjre åtna.
– Ihke mijjieh edtjebe Saepmiem åvtese vaeltedh, tjoerebe mijjem dåarjoehtidh mah leah noere daan biejjien. Dan åvteste sïjhtem barkedh ihke mijjieh saemien noerh edtjieh hijven gïele- jïh kultuvrefaalenassh gaavnedimmiesijjieh utnedh, jïh saemien noerh edtjieh barkoem utnedh. Men tjoerebe noeri båetijen aajkan ellieslaakan ussjedidh, jïh dellie gaajhki bïjre, goh ööhpehtimmien raejeste, klijma jïh byjresen raajan, Guttorm jeahta.
Guttorm veanhta aaj saemien noeride sæjhta vihkeles årrodh mijjieh buektiehtibie dam saemien kultuvrem meatan vaeltedh daajbaaletje veartenen sïjse.
Vuesiehtimmien gaavhtan dle tjuara aelhkie årrodh saemien gielem nedtesne nuhtjedh. – Saemien kultuvre tjuara meatan fulkedh evtiedimmesne. Ij sïjhth jiehtedh mijjieh edtjebe aerpievuekieh jarkelidh, men mijjieh edtjebe maehtedh dejtie meatan vaeltedh daan beajjetje siebriedahken sïjse. Naemhtie manne jaah- kam maahta saemien kultuvrem sjyöhtehke darjodh aaj mijjese noeride.
Jïjnjem politihkem tjïelkeste
Anne Henriette Hætta Reinås (24) Skånlandeste tjïert- este noerepolitihke lea meatan dam saemien båetijem aejkiem hammoedidh. Daelie dïhte jïh NSR-N NSR:m ååjmedamme Saemiedigkie edtja aktem eensi LHBTQ+-politihkem nænnoestidh, mij amma lea saemien lesbiske, homofijle, bifijle, trans-almetji, queer-almetji jïh mubpiej bïjre mejtie ij gåaredh daej kategoriji sisnjeli tjïelkestidh.
– Mijjieh mah leah noere tjoerebe saemiepolitihkem guhkiebasse eevtjedh. Daelie tjoerebe hoksedh Saep- mie gaajhkh saemieh tjeekieh, saaht maam seksuell- evoetide jallh tjoeleidentiteetide utnieh, jïh daate lea naakede destie mejnie mijjieh sïjhtebe vielie barkedh. Mov mïelen mietie dle nænnoes jïh ræhpas saemien byjresh jïh saemiensiebrieh sijhtieh meatan årrodh noere saemiej identiteetem jïh ektievoetem næn- noestehtedh. Hætta Reinås lea meatan veeljemisnie NSR:se Jilliemearoen veeljemegievlesne.
